《大胜背后的阴霾

时间:2020-05-27    热度:739

-请支持蓝狮 Facebook专页-《原创文章 欢迎转载 请列明出处 谢谢》《大胜背后的阴霾 按此观看图片 .图片来源 : ChelseaFan12一场大胜绝对对于近况不佳既车路士黎讲有正面作用,始终蓝军近两场联赛都全失三分,更以大比数被击败,今场力保不失可以话能够先止止血。但在一洗颓风背后,有一位球员正正係喺哩场赛事上无出过场,就係今次想讲既主角,被停赛既巴卡约高。上场联赛时,巴卡约高只係踢左半个钟就两黄一红被逐,导致球队在整场比赛长时间打少一人,埋下大败既伏线,灾难性表现更令当地球迷即场高唱"You fxcking shit~",可以话成为众矢之的。在今场停赛下,球队表现虽然未称得上优秀,但至少有好转迹象,让球迷更加之加深对巴卡约高既「坏印象」。但在马后炮及理性讨论下,战绩失利真係只怪罪于法国人身上?「错就要认 打就企定」,无可否认既係巴卡约高个人技术係有问题,之前都有讲过哩位法国中场既弊病非常明显,每次佢拎波后都会推脚,而唔係以护波为主,皮球与脚之间距离过远,导致唔少对手都能够喺佢背后「打荷包」,而队友简迪即使能够覆盖更多海洋面积,都唔能够话万无一失;再讲,无理由企喺场边既干地睇唔到有哩个问题,自巴卡约高加盟后一共为车路士在联赛上阵24场,其中只有4场係后备上阵,睇得到佢喺意大利人心目中有一定位置。但干地将一个唔稳定既「中场炸弹」放到场上,其实除左害左球队之外,间接亦伤害埋球员自己本人,巴卡约高明显对于英超既节奏以及裁判既执法标準依然唔熟悉,与此同时球队亦进入调整期,多个位置既球员都未必能够发挥得出上季夺冠既稳定表现,亦关係到由于球队中没有替补,引致个别位置既球员在缺乏休息既情况下仍然需要上场,影响得最深远既必定係翼位哩个位置。其实由上季什至更之前喺祖云达斯或者意大利国家队都睇到,干地手中既三后卫阵式係好依赖翼卫既发挥,无论喺攻守两方面以至体力同速度上,各方面都需要拥有优势接近全能球员,而队中既摩西斯同马高斯阿朗素在各方面都有利有弊,干地在补强上希望引进番好似阿历士辛度哩啲再高一层次既翼卫人马,但高层又唔肯出番相对应既价钱最终又唔成事,最终就只有萨柏哥斯达同艾马臣加盟,级数上绝对有分野。唔係话帮住巴卡约高,只係球队整体表现唔好,除在场上踢紧果班球员之外,领队、球会高层什至有其它因素都会影响到全队发挥,互相牵引。希望干地能够以哩一场比赛作借镜,重新审视战术人脚安排,以及好好为巴卡约高既能力作针对性训练,至少希望比球迷见到佢每场波都有进步,咁先至係架嘛。文章最后更新时间 : 13/02/2018 17:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持